"Дэвдэггүй далавч" - Шинэ бичлэгүүд

Ширээн дээрх үнсний сав

Tue, 17 Nov 2009 13:50:43 +0800

Шаналах шиг тийм ариуныг
Шинэхэн гунигаас чинь мэдэрмэгц
Ширээн дээрх үнсний сав
Шивнэх үгсийн минь хуулбар болно..

зүгээр л би..

Tue, 17 Nov 2009 13:49:29 +0800

Ягаан гаригийн "ЧИХЭРЛЭГ" болзоо... зургийг Вики..

Чиний одсон зүгрүү алхана, Чиний ирэхгүй зүгрүү алхана..

Tue, 17 Nov 2009 13:46:25 +0800

Чиний одсон зүгрүү алхана,
Чиний ирэхгүй зүгрүү алхана..

(зургийг к1994)

Чичирэн харагдах сарны зүг,
Чиний одсон зүгрүү алхана..
Чичирсэн гарт минь, бээрсэн сарнай
Чиний үлдээсэн сэтгэлийн шарх...

Чийртэй энэ цасны гишгэгдэх чимээг
Чихэндээ би хөгжим шиг мэдрэвч
Чимэгтэйхэн дуулах чинь цээжнээ цуурайтаж
Чимээ аниргүй хотын гудамж
Чиний нүд шиг тунгалагшин байна..

Чиний одсон зүгрүү алхана,
Чиний ирэхгүй зүгрүү алхана..

Алганы амт гашуун гэж Аавын гэрээс "оргохдоо"

Tue, 17 Nov 2009 13:46:24 +0800

Гүн бодлын харгуйд
Гөлөг гаслах чимээнээр
Гэртээ үлдээгээсэн жаргалаа
Гэнэтхэн би эрэв..

Гэнэн насны минь нулимс
Гаатай чихэр шиг сэнгэнэж
Гэзэг сүлжих тавилангаа
Гай хэмээн зүхнэм...

Ганихарч хүлээх амьдралд
Тэнэглэж юундаа яараа вэ,
Тэвэрч үнсдэг ижийгээ
Тээршааж юундаа орхио вэ,

Алганы амт гашуун гэж
Аавын гэрээс "оргохдоо"
Амрагийн ааш энэрэлгүйг
Анзаарч юунд харсангүй вэ..

Гал шиг халуун насны минь
Ганган мөрөөдөл унтарчээ,
Гэргий болох хүсэл минь ч
Гэрийн буйран дээр үлджээ..

Хур бороонд гандсан Хуучин шүхэр эвхэгдэхэд

Sat, 07 Nov 2009 17:24:38 +0800

Хур бороонд гандсан
Хуучин шүхэр эвхэгдэхэд
Харийн тэнгэрт тэмүүлсэн
Хунгийн жигүүр цуцна..

Халуун үнсэлтийн ором
Хүзүүн дээрээс арилахад
Хаа нэгтээ замхарсан
Хүсэл чинь намайг л дурсана.

Хөндүүрлөн урсах амьсгал чинь
Хүүхэн биеийг минь шүтэж,
Хөхүүн инээд, хөгжүүн яриа чинь
Хөлгүй улаан дурлал дунд
Хөлөг онгоц шиг сүйрнэ..

Атгасан гарт минь хувь заяаны зураас

Sat, 07 Nov 2009 17:24:38 +0800

Аньсага минь нойтон байна,
Аяархан мэгшихдээ чичирч байна,
Амьд байгаагийн шинж..

Амраг минь нуруун дээр үнсэхэд
Ахиад шинэ өглөө мэндэлж байна,
Амттайхан зүүдний минь үргэлжлэл..

Атгасан гарт минь хувь заяаны зураас
Аль байдгаа дэлгэн байна,
Аз жаргалын хэлтэрхий...

Үгүй дээ, даанч тийм үүл байдаггүй

Sat, 07 Nov 2009 17:24:38 +0800

Үнсэхсэн гэхдээ би уруулын хэлбэртэй
Үүл хайж тэнгэр ширтдэг...
Үгүй дээ, даанч тийм үүл байдаггүй
Үнэндээ чи ч бодитоор оршдоггүй...

Үнсээч намайг...

Thu, 05 Nov 2009 18:23:16 +0800

Үнсээч намайг...
Үнэрийг чинь мартахгүй болтол
Үсэнд минь гараа орооцолдуулан
Үнсээч...
Үнсүүлэхдээ би гэмшихгүй,
Үүрдийн хайрын тухай
Үлгэр ярьж залхаахгүй,
Үгүйлэн санахын зуур
Үнэн сэтгэл нэхэхгүй..
Үнсээч..
Үхмэл дурлалын гал унтарч
Үнэ цэнээ алдтал
Үнэн хүслээр үнсээч...

Цаанаа л нэг зэвүүн цасны бараа тодорно..

Mon, 02 Nov 2009 17:11:46 +0800

Re: Мөстэй халуун кофээээ буюу яааруу найргийн цаг ФААНИ
PostPosted: 2009 Oct 28 12:02 am

Цээжний энгээр салхилах шаргал өвдөлт арилж
Цэгээн өвлийн дохионоор намрын өнгө ханзрав,
Цагын зүү ээдүүлэх навчны үнэр замхарч
Цаанаа л нэг зэвүүн цасны бараа тодорно..
Цэх шулуун үг минь хүйтэн агаарт булагдаж,
Царцуу уруулын амтаар чихэрлэг дурлалыг төсөөлнө..

Цав цагааныг мартах гэхдээ
Цэцэгсийг санаад эхэллээ..

Аманд минь, цус..

Mon, 02 Nov 2009 15:47:27 +0800

Араатны нуд туссан
Амтат жүржийг
Аяархан шимэхэд
Аманд минь, цус..

яг нигэж л мэдрэгджийнэ.. миний юмлуу хүн хархад л тэр минийх биш болчдог.. амт нь хувирчдаг..